Радмир Беляев Түбән Кама коммуналь предприятиеләренең эшен тикшерде

Радмир Беляев техника һәм инфраструктураның торышы белән танышты. Ул транспорт һәм коммуналь хуҗалыкның берничә объектын — «КПБ», «ПАТП», «Горзеленхоз»ны карап чыкты.

«Комплекслы төзекләндерү предприятиесе» шәһәрнең үзәк урамнарының, җәмәгать киңлекләренең чисталыгын күзәтә. Коммуналь предприятиенең эше күп.

Түбән Кама районы башкарма комитеты җитәкчесе фикеренчә, «Комплекслы төзекләндерү предприятиесе» үрнәк предприятиегә әверелергә тиеш. Моның өчен инфраструктураны: складларны, гаражларны тәртипкә китерергә, җиһазларны ремонтларга, ә иң мөһиме — хезмәткәрләр өчен уңайлы шартлар тудырырга кирәк. Предприятиедә кадрлар җитми.

Предприятиедә хезмәт хакын 80 мең сумга кадәр күтәргәннәр. Радмир Беляев ассызыклаганча, моның белән бергә хезмәткәрләрнең хезмәт шартларын яхшыртырга да кирәк. Мәсәлән, душ һәм ял бүлмәләрен җиһазландырырга.

Түбән Кама районы башкарма комитеты җитәкчесе шулай ук «ПАТП-1» оешмасы эше белән дә танышты. Анда Радмир Беляев шулай ук автобус паркының торышы, хезмәткәрләрнең хезмәт шартлары белән танышты. Предприятиедә 92 машина йөртүче эшли, алар арасында читтән килүчеләр дә бар. Соңгы елларда, яңа автобуслар ярдәмендә, җәмәгать транспорты системасында тәртип урнаштыруга ирешелде, ләкин бу өлкәдәге сорауларга әле дә игътибар таләп ителә.

Автобус паркын киңәйтү дә таләп ителә. Хәзер ихтыяҗның күләме исәпләнә, алга таба шәһәр «ПАТП-1» белән бергә төрле республика һәм федераль программаларга гариза бирәчәк.