Путин Россиядә ана капиталы күләмен арттыру мәсьәләсен хәл итәргә кушты

Россия Президенты Владимир Путин Хөкүмәткә һәм РФ Дәүләт Советының «Гаилә» юнәлеше буенча комиссиясенә бала туу чиратына карап ана капиталы күләмен арттыру мәсьәләсен хәл итәргә кушты. Бу йөкләмә Кремль сайтында чыкты.

Йөкләмәне үтәү срогы — 2025 елның 1 декабре.

Дәүләт Думасы I укылышта ана капиталы программасын 2030 елга кадәр озайту турындагы закон проектын кабул иткән иде. Балалы гаиләләргә дәүләт ярдәменең әлеге чарасы Россиядә 2006 елдан бирле гамәлдә.