Путин МХО ветераннарына эшкә урнашуда ярдәм итү турында сөйләде

РФ Президенты Владимир Путин белдерүенчә, бала туганнан соң эшкә чыгучы хатын-кызлар 2024 елдан, балага яшь ярым тулганчы, аңа пособие алачак, махсус хәрби операциядә катнашучыларга квалификацияләрен күтәрүдә, яңа һөнәр үзләштерүдә һәм эшкә урнашуда ярдәм итәчәкләр. Бу хакта Кремльнең матбугат хезмәте хәбәр итә.

«Хезмәт базарын үстерү буенча чаралар демография өлкәсендә безнең адымнарны алга таба да ныгытачак. Моның өчен декрет ялындагы хатын-кызларның квалификациясен күтәрү программасын гамәлгә ашырабыз, ә 2024 елдан, хатын-кыз эшкә чыккан очракта, гаилә, яшь ярым тулганчы, балага пособие алуын дәвам итәчәк», — дип искәртте дәүләт башлыгы Бөек Новгородта узган Дәүләт Советы президиумының киңәйтелгән утырышында.

Фото: kremlin. ru