Патруль машиналарындагы камералар: Татарстан юлларында хокук бозуларны теркәүнең яңа комплексларын эшләтеп җибәрделәр

Татарстан юлларында юл хәрәкәтен автоматлаштырылган контрольдә тотуның алдынгы комплекслары эшли башлады. Хәзер патруль экипажлары югары технологияле җиһазлар белән тәэмин ителгән, алар машиналар агымында хокук бозучыларны реаль вакытта ачыкларга мөмкинлек бирә.

Бу хакта ТР буенча Эчке эшләр министрлыгының Дәүләт автоинспекциясе матбугат хезмәте хәбәр итә.

Яңа камералар кулланып, узып баручы барлык автомобильләрнең номерларын автомат рәвештә танып алу һәм тиз арада аларны эзләү базалары буенча тикшерү булдырыла. Моннан тыш, система тизлекне арттыру очракларын һәм «тукталыш тыелган» билгесе куелган урыннарда машина кую кагыйдәләрен бозуларны терки.

Бу ысул Дәүләт автоинспекциясенә тизлекне арттыруга каршы нәтиҗәлерәк көрәшергә генә түгел, ә урланган яки юл-транспорт һәлакәте урыныннан качкан транспорт чараларын тиз арада табарга да ярдәм итәчәк.