Җомга көнне Түбән Камада машина йөртүчеләрне тикшерәчәкләр

Юл-транспорт һәлакәтләре ешаю сәбәпле, Түбән Камада «Тоннель» профилактик чарасы узачак.

Рейд җомга көнне, 29 ноябрьдә узачак, дип хәбәр итә шәһәр дәүләт автоинспекциясе. Басмада билгеләп үтелгәнчә, бу масштаблы чара булачак.

Машина йөртүчеләрне юл хәрәкәте кагыйдәләрен үтәргә һәм юлларда игътибарлы булырга чакыралар.

Исегезгә төшерәбез, соңгы берничә көндә Түбән Кама районында берничә җитди авария булды, аларда өч кеше һәлак булды, алты кеше төрле дәрәҗәдәге җәрәхәтләр алды.