Җомга көнне җирне магнит давылы капларга мөмкин

Гамәли геофизика институты галимнәре 3 майда Җирне магнит давылы капларга мөмкин дип саный. Алар 1 майда Кояшта көчле кабынулар булуын әйтте, алар 41 минут дәвам иткән. Бу хакта ТАСС яза.

Кояшта кабынулар биш класска бүленә: A, B, C, M һәм X, рентген нурланышы куәтенә карап. Минималь класс — A0.0. Аңа Җир орбитасында 10 квадрат метрга 10 нановатт нурланыш керә. Әгәр дә куәт 10 тапкырга арта икән, нурланыш киләсе егәрлек классына күчә. Гадәттә, кабынулар кояш плазмасы чыгармасы белән бара. Аның болытлары Җиргә барып җиткәндә магнит давылларын китереп чыгарырга мөмкин.

Институтта шулай ук 30 апрельдә М классының өч кабынышы һәм С классының 8 кабынышы теркәлгән, дип сөйләделәр. Алар 38-45 минут дәвам иткән.