Мошенниклар счетчикларны алыштыру сылтавы белән түбәнкамалының ярты миллионга якын акчасын урлаган

Түбән Камада 68 яшьлек хатын-кыз телефон мошенникларының корбаны булган, алар алдау юлы белән аның 433 мең сум акчасын алганнар.

Башта пенсионерга үзен «Энергосбыт» хезмәткәре дип таныштырган хатын-кыз шалтырата, ул аңа суны исәпкә алу приборларының вакыты беткәнен һәм аларны алыштырырга кирәклеген әйтә. Түбәнкамалы ризалаша, һәм аңа, янәсе, мастер киләсе көнне атыйлар.

Күпмедер вакыттан соң хатын-кызга тагын бер тапкыр, имеш, Үзәк банктан дип шалтыраталар. Ул пенсионерканы әле генә аның акчаларын алырга теләгән мошенниклар белән аралашканлыгына ышандыра.

Үз акчалары өчен куркып, өлкән яшьтәге хатын шалтыратучы җитәкчелегендә акчаны куркынычсыз счетка күчерә.

Аннары ул үзен алдаганнарын аңлый һәм полиция бүлегенә китә. Эчке эшләр министрлыгы РФ Җинаять кодексының 159 «Мошенниклык» маддәсе буенча җинаять эше кузгаткан.