Миңнеханов 2025 елда Ураза һәм Корбан бәйрәмнәрен үткәрү көннәрен раслады

Татарстан Рәисе Рөстәм Миңнеханов быел Ураза һәм Корбан бәйрәмнәрен уздыру даталарын раслады. Республика җитәкчесе тиешле указга кул куйды.

Аерым алганда, «ай календаре һәм традицияләр нигезендә» Ураза бәйрәме 30 мартта башланачак.

Үз чиратында, мөселманнар Корбан бәйрәмен 6 июньдә билгеләп үтәчәкләр, диелгән документта.

Быел алтынчы июнь җомгага туры киләчәк, ул шулай итеп ял көне булачак. 2025 елның 30 марты якшәмбегә туры килә. Шунлыктан ял көннәре белән туры килә торган республика бәйрәм көннәре күчерелми.