Март башы Татарстанда нормадан ике градуска җылырак булачак

Татарстанда мартның беренче декадасында уртача температура климатик нормадан ике градуска югарырак була. Бу фаразны Татарстан Гидрометеорология үзәге таратты.

Тулаем республика өчен климат нормасы 1 марттан 10 мартка кадәр −6,4 градуска тигез. Шулай итеп, уртача температура −4,4 һәм −3,4 градус тәшкил итәчәк.

Шул ук вакытта элегрәк ТР Гидрометеорология үзәге җитәкчесе Феликс Гоголь «Татар-информ»га март дәвамында Татарстан территориясендә һава температурасының климатик нормадан 0,5 градуска югарырак булачагы турында сөйләгән иде.