Мәктәп медиасы өчен яңа мөмкинлекләр: «Ялкын» фестиваленә гаризалар кабул ителә башлады
Татарстанда яшь журналистларга ярдәм итү һәм мәктәп медиа үзәкләрен үстерүгә юнәлдерелгән яңа проект — «Ялкын» мәктәп медиасының беренче республика патриотик фестивалендә катнашу өчен гаризалар кабул ителә башлады.
Фестивальдә Татарстанның гомуми белем бирү учреждениеләреннән мәктәп медиа командаларын (газета, журнал, радио- һәм телестудияләр, SMM-проектлар һ.б. форматлар) катнашырга чакыралар. Анда 12-18 яшьлек укучылар катнаша ала. Ике төп номинациядә («Рус телендә мәктәп медиасы» һәм «Татар телендә мәктәп медиасы») җиңүчеләр билгеләнәчәк.
Тулырак мәгълүмат белән «Ялкын» журналының сайтында һәм социаль челтәрләрендә, шулай ук фестивальнең рәсми телеграм-каналында (@mediafestyalkin) танышырга мөмкин. Гариза бирү өчен онлайн-форманы тутырырга кирәк.
Следите за самым важным и интересным в Telegram-каналеТатмедиа
Нет комментариев