«Культура» телеканалында Каюм Насыйрига багышланган документаль фильм күрсәтеләчәк

14 февральдә «Культура» телеканалында Каюм Насыйриның 200 еллыгына багышланган «Соединяющий миры» документаль фильмы күрсәтеләчәк.

Фильмда галимнең тормышы, фән һәм дин арасындагы гармония, шулай ук православие динендәгеләр һәм мөселманнарның бергәләп эшләү һәм яшәү мөмкинлеге турында сөйләнә.

Актерлар Данил Зинәтуллин һәм Фәнис Җиһаншин фильмда Каюм Насыйриның тормышыннан күренешләрне сәхнәләштерә. 

Премьера 2025 елның 14 февраленда, 19:45 сәгатьтә булачак.