Красный Ключ бистәсендә республика программасы буенча балалар бакчасына капиталь ремонт ясау дәвам итә

Түбән Каманың Красный Ключ бистәсендә урнашкан балалар бакчасында капиталь ремонт бара.

Мәктәпкәчә учреждениегә 48 ел. Биредә коммуникацияләрне, электрика, түбә, фасадны — барысын да алыштыралар һәм ремонтлыйлар.

«Капиталь ремонт комплекслы итеп үткәрелә, республикадан 89 миллион бирелде. Балалар хәзер вакытлыча шәһәр балалар бакчаларына йөри. Түземсезлек белән кире кайтуны көтәбез», — диде Красный Ключ бистәсенең «Әкият» балалар бакчасы мөдире Роза Әхмәтова.

Яңартылган мәктәпкәчә учреждениегә балалар инде 1 сентябрьдә үк йөри башлаячак, ә 1 июльдә бакчага йөри башлау өчен гаризалар кабул ителәчәк. 

«Яңартылган бинада белем бирүнең яңартылган эчтәлеген дә планлаштырабыз: өстәмә хезмәтләрне киңәйтәбез, сәнгать студиясе, шахмат һәм җиңел конструкцияләү түгәрәкләре эшләячәк. Шулай ук балалар бакчасында да кызыклы бизәлеш планлаштырабыз», — диде Роза Әхмәтова.

Капиталь ремонт республика программасы буенча бара. Әлеге балалар бакчасы — Түбән Кама районында быел бу программага эләккән бердәнбер мәктәпкәчә учреждение.