Корбан гаете көнне Түбән Камада гаилә бәйрәме узачак

Ислам динендә иң олы бәйрәмнең берсе булып саналган Корбан гаете быел 6 июньдә узачак. Әлеге уңайдан, барлык мәчетләрдә гает намазы укылачак.

Түбән Кама үзәк мәчетендә сәгать 6.30 да Коръән уку башлана, 7 сәгатьтә бәйрәм намазы укылачак. 

Сәгать тугызда «Гаилә» паркында бәйрәм чаралары башланачак. Программа кысаларында «Ихлас» үзәге балалары чыгыш ясаячак, тарихи модельләштерү клубы эшләячәк, шулай ук викторина, химик шоу, китап күргәзмәсе, уеннар, күбекле шоу, сәүдә нокталары, ат һәм пониларда йөрү, кул эшләнмәләре ярминкәсе каралган.