Классика һәм заманча әдәбият: түбәнкамалылар Лисичанскига китаплар бүләк итә

Түбән Кама китапханәләре шефлыкка алынган Лисичанск шәһәрендә яшәүчеләргә ярдәм итү өчен «Бүләккә — китап» акциясен башлап җибәрде.

Шәһәрлеләр бу чарага актив кушылдылар. Киләчәктә Луганск Халык Республикасының иң эре шәһәрләренең берсе булган Лисичанск китапханә фондын формалаштыруда ярдәм итәчәк китаплар алып киләләр. Бүләк ителгән әдәбият шәһәрнең мәдәни инфраструктурасын торгызуга мөһим өлеш кертәчәк.

Теләге булган һәркем акциядә катнаша ала. Китаплар Түбән Каманың үзәк китапханәсендә кабул ителә.

«Без китапларны яхшы хәлдә кабул итәбез — бу бит бүләк. Эчтәлеге буенча китаплар бөтенләй төрле булырга мөмкин, һәм төрле яшьтәгеләр өчен дә. Без теләсә нинди әдәбиятка, теләсә нинди жанрга шат булачакбыз», — дип аңлатты Г. Тукай исемендәге үзәк китапханәнең баш китапханәчесе Марина Балашова.

«Бүләккә — китап» акциясе 25 июльгә кадәр дәвам итәчәк. Китапханә иртәнге сәгать 10 дан 19:00 гә кадәр эшли.