КФУ метеорологы Татарстанда аномаль эсселекнең сәбәбен аңлатты

Татарстанда икенче атна аномаль эссе һава торышы тора. Бу Скандинавия ягыннан Идел буе антициклоны килү белән бәйле.

КФУ профессоры Юрий Переведенцев әйтүенчә, 2010 елның җәендә булган сценарийның кабатлануын быел көтәргә кирәкми.

Июньнең икенче яртысы да эссе булыр дип көтелә, дип саный метеоролог.

«Барысы да атмосфера әйләнешенә бәйле. Ләкин айның икенче яртысы салкын булуы икеле», — дип ачыклык кертте Переведенцев.