Келәтле авылында Питрау бәйрәмен билгеләп үтәчәкләр

Түбән Кама районының Келәтле авылында 12 июльдә Питрау бәйрәмен билгеләп үтәчәкләр.

Бу көнне Николай Чудотворец чишмәсе янындагы часовняны изгеләштерү булачак. Программада шулай ук театральләштерелгән пролог, «Бәрмәнчек» керәшен дәүләт фольклор ансамбле, Түбән Кама районы фольклор ансамбльләре катнашында концерт, традицион халык уеннары, конкурслар, спорт ярышлары, мастер-класслар бар.

Чараны Татарстан Республикасының халык артисты, Камал исемендәге академия театры актеры Олег Фазылҗанов, фольклор коллективы җитәкчесе Ольга Вәлиуллина үткәрә.

Башлана 16:00.