Казанда уртача хезмәт хакы аена 105 мең сумнан артып киткән

Казанда урта һәм эре предприятиеләрдә уртача хезмәт хакы агымдагы елның тугыз аенда 18,2% ка арткан һәм 105 мең сумнан артып киткән. Бу хакта шәһәр башкарма комитеты җитәкчесе урынбасары Илдар Шакиров эшлекле дүшәмбедә белдерде.

«Реаль хезмәт хакы исә, инфляцияне исәпкә алмаганда, 7,3% ка артты», — дип билгеләде ул.

Шакиров Казанда социаль-икътисадый үсеш мәсьәләләре буенча тотрыклы вәзгыять саклана, ә макроикътисадый күрсәткечләрнең күбесе уңай динамика күрсәтә, дип өстәде.