Казанда 2028 елга кадәр Оренбург тракты дублерын төзергә мөмкиннәр

Казанда Оренбург тракты дублеры, әгәр проектны финанслау план буенча барса, 2028 ел ахырына кадәр тулысынча төзелергә мөмкин.
Бу хакта «Татар-информ» мәгълүмат агентлыгына Татарстанның киңлекне планлаштыру институты директоры Олег Григорьев хәбәр итте.

Аның сүзләренчә, проект катлаулы, әмма шәһәрнең транспорт системасын киләчәктә үстерү өчен бик кирәкле. Төзелеш эшләре инде беренче участокта — М-12 федераль трассасы чишелешеннән алып Столбище бистәсенә борылышка кадәр башланды.

Киләсе этап Казан — Боровое Матюшино трассасын төзү булачак. Бөтен проектны гамәлгә ашыру эшләп килүче магистральне бушатырга һәм Казанның көньяк-көнчыгыш өлешендә транспорт элемтәсен яхшыртырга мөмкинлек бирәчәк.