Кама буйлап елга трамваенда йөрү кыйммәтләнергә мөмкин

Чаллы — Соколка маршруты буенча М-8 елга трамваенда йөрү кыйммәтрәк булырга мөмкин.

Татарстанның тарифлар буенча дәүләт комитеты пассажирлар йөртүгә максималь бәяләрне арттыру турындагы карар проектын экспертизага чыгарды.

Әгәр документ кабул ителсә, Түбән Камадан Чаллыга кадәр олылар/балалар билеты бәясе 152/76 сум тәшкил итәчәк, Вишневка, Алабуга, Котловкага кадәр — 76,8/38,4 сум, Сәнтәккә кадәр — 66/30 сум, Свиногорье һәм Граханига кадәр — 109,2/54,6 сум, Соколкага кадәр — 126/63 сум.

Бәяләр якынча 20 сумга артачак.

Яңа тарифлар 2025 ел ахырына кадәр гамәлдә булыр дип планлаштырыла.