Кама Аланында торак йортларны төзекләндерү эшләре бара

Кама Аланында капиталь ремонт һәм «Безнең ишегалды» республика программасы буенча йортларда төзекләндерү эшләре бара.

Капиталь ремонт 1/19а, 2/02 һәм 2/02а номерлы йортларда бара: фасадларны җылыту төгәлләнде һәм аларны буяу башланды. «Безнең ишегалды» программасы кысаларында 2/10 һәм 1/36 йортлар ишегалларында асфальт һәм тротуар өслеге алыштырыла, балалар өчен уен мәйданчыклары, кече архитектура формалары һәм яктырту урнаштырыла.

«Безнең ишегалды» программасы — ишегалды территорияләрен комплекслы төзекләндерү буенча республика программасы, ул 2020 елда эшли башлады. Программа башланганнан бирле Түбән Камада һәм Түбән Кама районында 348 ишегалды төзекләндерелгән.