Җитештерү комплексы төзелешенә – уңай бәя
Татарстан Республикасы Дәүләт төзелеш күзәтчелеге инспекциясе Түбән Камада төзеләчәк яңа җитештерү комплексының беренче чиратын гамәлгә ашыруга уңай бәя бирде.
Төзеләчәк объект составына җитештерү цехы, административ-көнкүреш корпусы (АКК), контроль-үткәрү пункты һәм котельный керә.
Бина каркаслы конструкциядә проектланган: нигезе – монолит тимербетоннан, ә терәк конструкцияләре корыч элементлардан эшләнәчәк. Түбәсе җылылык саклаучы ПВХ-мембрана белән капланачак, оештырылган су агу системасы каралган.
Проектны гамәлгә ашыручы застройщик – «Совитал» җаваплылыгы чикләнгән җәмгыяте. Алынган килешү цехлар блогын төзү эшләрен дәвам итәргә мөмкинлек бирә. Әлеге җитештерү мәйданчыгы суыткыч җиһазлар чыгару өчен билгеләнгән.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев