Йөрәгегезне саклагыз: йөрәк авырулары турында хәбәрдарлык атналыгы

Йөрәк сәламәтлеге – тормышыбызның сыйфатын һәм озынлыгын билгеләүче төп факторларның берсе. Аның торышы безнең көндәлек гадәтләребезгә: туклану, физик активлык, начар гадәтләр һәм стресс дәрәҗәсе белән бәйле.

Йөрәкне саклау өчен нинди профилактик чаралар күрү мөһим?

- Күбрәк хәрәкәт итегез: көн саен 30 минут җәяү йөрү дә йөрәк мускулын ныгыта.

-  Күрсәткечләрне контрольдә тотыгыз: артериаль кан басымын һәм холестерин дәрәҗәсен даими рәвештә тикшерегез.

-  Дөрес тукланыгыз: рационның нигезен яшелчәләр, җиләк-җимешләр, бөртекле ярмалар һәм файдалы майлар тәшкил итсен.

-  Начар гадәтләрдән баш тартыгыз: тәмәке тарту һәм алкоголь куллану — төп куркыныч факторларның берсе.

-  Стресс белән идарә итегез: тынычлану өчен акрын һәм тирән сулыш алыгыз.

-  Диспансеризация үтегез: даими тикшеренүләр авыруларны иртә стадиядә ачыкларга ярдәм итә.

Табиблар борчыган симптомнарны игътибарсыз калдырмаска киңәш итәләр: күкрәк турысында авырту, сулыш кысылу, кинәт хәлсезлек — кичекмәстән ашыгыч ярдәм чакырту өчен төп сәбәп булып тора.

Йөрәк сәламәтлеген кайгырту — бер көнлек эш түгел, ә көндәлек гадәт. Бу юнәлеш «Озын һәм актив тормыш» милли проекты кысаларында да мөһим юнәлеш булып кала.

Профилактик тикшеренүгә язылу өчен теркәлгән поликлиникага телефон аша яисә «Дәүләт хезмәтләре» порталы ярдәмендә мөрәҗәгать итегез.

Түбән Камада диспансеризацияне түбәндәге адреслар буенча үтәргә була:

1нче поликлиника (Менделеев ур., 46) - 107В кабинеты. Эш вакыты: 07:00-18:30. Белешмәләр өчен телефон: 32-10-90;

2нче поликлиника (Төзүчеләр пр., 10д) - 114нче кабинет. Эш вакыты 07:00-15:00;

Консультатив-диагностика поликлиникасы (Актүбә ур., 11). Эш вакыты 07:00-15:00.

Үзегез белән полис, паспорт, СНИЛС булырга тиеш. Тикшерүгә ач карын белән килергә киңәш ителә.