«Иң-иң»нәре безнең кызлар!

Җиңүче Гөлназ Арсланованы бүләкләү мизгеле / Фото НМР сайтыннан

Бүләкләү тантанасы 5 мартта Казанда Татарстан Премьерминистры Алексей Песошин катнашында узды.

Түбән Каманың Үзәкләштерелгән китапханәләр системасы җитәкчесе Гөлназ Арсланова «Хатын-кыз – мәдәният һәм рухият» номинациясендә җиңүче дип табылган.

«Нижнекамскнефтехим» предприятиесе хезмәткәре Диләрә Ягъфәрова «Минем язмышым – минем һөнәрем» номинациясендә иң яхшысы булган.

Ә Түбән Кама шәһәре Советы депутаты, махсус хәрби операция волонтёры Лариса Нуриева «Хатын-кыз – ел үрнәге» номинациясендә җиңү яулаган.

Шәһәр мэры Радмир Беляев, җиңүчеләрне котлап: «Ел хатын-кызы. Ел ир-аты: хатын-кыз карашы» республика бәйгесендә лаеклы җиңү яулаган шәһәрдәшләребезне чын күңелдән котлыйм! Сезнең белән горурланабыз! Хезмәтегез, битараф булмавыгыз һәм Түбән Кама белән бөтен республика үсешенә керткән өлешегез өчен рәхмәт», – дип язган үзенең телеграм-каналында.