Июль аенда Татарстанда уртача айлык хезмәт хакы 21 процентка арткан

2023 елның июль йомгаклары буенча Татарстан оешмалары хезмәткәрләренең уртача айлык номиналь хезмәт хакы 59 578 сум тәшкил итте, бу узган елның шул ук чорына караганда 21 %ка күбрәк. Мәгълүматларны Россиянең социаль-икътисади хәле турында яңа хисапта Росстат китерә.

Татарстанның Идел буе федераль округы төбәкләре арасында хезмәт хакы үсеше буенча икенче урында, Марий Элдан 1,6 процентка калыша. Абсолют рәвештә исә, ТРда уртача хезмәт хакы — округта иң югары.