Яңа ел бәйрәмнәрендә Түбән Кама паркларында концертлар һәм конкурслар узачак

Түбән Камада яңа ел каникулларында нәрсә белән шөгыльләнергә? Шәһәр халкы өчен саф һавада төрле чаралар әзерләнгән.

3 гыйнварда Тукай паркында түбәнкамалыларны «Снежинки-смешинки» музыкаль-күңел ачу программасы көтә. Башлана сәгать 10 да. 11 сәгатьтә «Велики» паркында Яңа ел эстафетасы башлана, ә 14 сәгатьтә шәһәр халкын «Гаилә» паркына уеннарга чакыралар.

4 гыйнварда 11 сәгатьтә «Велики» паркында спорт-тарихи фестивале старт ала, 14 сәгатьтә түбәнкамалыларны Тукай паркына «Снежные развлекушки» уеннарына чакыралар. Ә 12 сәгатьтән «Гаилә» паркында хәрәкәтле уеннар фестивале башлана. 

5 гыйнварда сәгать 10 да шәһәр халкын Тукай исемендәге паркта музыкаль-күңел ачу программасына, 11 сәгатьтә «Велики» паркына һәм Кама яр буена чакыралар. 12 сәгатьтә «Гаилә» паркында уеннар, конкурслар һәм эстафеталар белән «Новогодний валенок» программасы башлана.

Раштуа ярминкәсе 6 гыйнварда 12 сәгатьтә «Гаилә» паркында булачак. Түбәнкамалыларны халык уеннары, күңел ачулар, колядкалар көтә.

Раштуада шәһәр халкы өчен «Велики» паркында бай программалы чара оештырыла. Башлана 11 сәгатьтә, ә 16 сәгатьтә Тукай паркында концерт программасы башлана. 

8 гыйнварда Түбән Кама халкы һәм кунаклары өчен «Велики» паркында, «Семья» паркында һәм Лемаев мәйданында программа әзерләнә.