Этләргә тыела: бер йотым сыра сезнең яраткан этегез өчен соңгысы булырга мөмкин

Татарстан Республикасының Баш ветеринария идарәсе эт хуҗаларын кисәтә: алкогольнең аз дозасы да бик агулы һәм хайваннар өчен үлем куркынычы белән яный. 

Нибары бер йотым сыра эчкән этләрдә дә координация бозылу, ашкайнату проблемалары, температура һәм глюкоза дәрәҗәсе төшү күзәтелергә мөмкин. Алай гына түгел, кома һәм үлем яный. Хайван организмына алкоголь эләккән очракта, ашыгыч рәвештә ветеринарга мөрәҗәгать итәргә кирәк.