Ел башыннан түбәнкамалыларга ТКХ хезмәтләре өчен 1,7 миллион сумга яңадан исәп-хисап ясаганнар

2025 ел башыннан Татарстан халкына торак-коммуналь хуҗалык хезмәтләре өчен 2,8 миллион сумга якын артык түләүләр исәпләнгән. Бу суммадан 1,7 миллион сумы Түбән Камага туры килә. Бу хакта республика Дәүләт торак инспекциясенең матбугат хезмәте хәбәр итә.

Ведомствода билгеләп үткәнчә, акчаларны кире кайтару еш кына сыйфатсыз хезмәтләр күрсәтү белән бәйле, мәсәлән, кайнар су температурасы нормативка туры килмәгәндә, яки суны артык озак вакытка сүндергән очракта.