Диетолог аягөсте тамак ялгаудан баш тартырга киңәш итте

Slow Food («Акрын ризык») — фастфудка каршы чыгыш ясаучы, экологик чиста продуктлардан әзерләнгән сәламәт ризыктан аңлы рәвештә һәм ашыкмыйча ләззәт алуны пропагандалаучы глобаль хәрәкәт. Табиб-диетолог Елена Саломатина фикеренчә, туклануга мондый караш дөрес.

Диетолог «Радио 1» белән әңгәмә вакытында билгеләп үткәнчә, элек кешеләр ризыкны авыр юллар белән юнәткән һәм аның кадерен белгән.

«Хәтта хайваннар да тыныч кына ашар өчен читкә китә. Тиз туклану баш миен һәм нерв системасын стимуллаштыра, ярсу халәтенә китерә. Тынычлану өчен игътибарны аңлы рәвештә ризыкка юнәлтергә, гаджетларны һәм уйларны читкә куеп торырга һәм ләззәт алырга кирәк», — дип билгели эксперт.

Ул шулай ук тыныч шартларда, кеше ашыкмаганда аның ашкайнату системасы нәтиҗәлерәк эшли, дип өстәде.