Татар LIFE

Түбəн Кама шәһәре

18+
2024 - Гаилә елы
Хәбәрләр

Декрет ялындагы аналарга — иминият пособиесе

Татарстан Социаль фонды ел башыннан йөклелек һәм бала табу буенча ялда булган 6800 дән артык анага йөклелек һәм бала табу буенча иминият пособиесе рәсмиләштерде.

 Гомумән алганда, ел башыннан аларга 872,3 миллион сумнан артык акча күчерелгән. 

Ярдәм күләме хатын-кызның хезмәт хакы күләменә, бала табуның катлаулылыгына һәм кайбер башка факторларга бәйле. Тулы эш көненә эшкә урнаштырылган эшләүче әниләр өчен отпускның стандарт дәвамлылыгы 140 көн булган очракта, пособие 74757 сум күләмендә билгеләнә. Максималь түләү күләме 530976 сум тәшкил итә. Максималь суммада пособие йөклелек буенча озак вакытлы (194 көнгә кадәр) ял бирелгән очракта яисә бала табу катлаулы дип бәяләнгәндә, мәсәлән, берьюлы ике яки өч бала туганда билгеләнә. Сумма ял чорында бер тапкыр гына түләнә. 

Исегезгә төшерәбез, пособие йөклелек һәм бала табу буенча ялда булган, шулай ук 3 ай тулмаган баланы уллыкка алган эшләүче хатын-кызларга билгеләнә. 

Шунысын да билгеләп үтәргә кирәк, иминият пособиесе баланы уллыкка алган очракта да бирелә. Мондый ялның максималь дәвамлылыгы — уллыкка алынган бала туган көннән соң 70 көн, ике бала уллыкка алынган очракта бала туганнан соң 110 көн. Түләү баланы уллыкка алган вакыттан исәпләнә. 

Әлеге мәсьәләгә кагылышлы мәгълүматлар белән Россия социаль фонды сайтының «Йөклелек һәм бала табу буенча пособие» дигән махсус бүлегендә таныша аласыз.

Фото: freepik.com

"Одноклассники"да сезне көтеп калабыз.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев