Бүген Татарстанда яңгыр, кар, томан һәм бозлавык көтелә

Бүген, 16 ноябрьдә, Татарстанда һава шартларының начарлануы фаразлана, дип кисәтә ТР Гидрометүзәге.

Республикада болытлы һава торышы көтелә. Кайбер урыннарда, әмма Казанда түгел, яңгыр һәм кар явачак, томан төшәчәк.

Төнлә һәм иртән юлларның аерым участокларында, бозлавык барлыкка килүе ихтимал.

Татарстанда һава температурасы тәүлекнең якты вакытында +1...+3 градус җылылык тәшкил итәчәк, дип хәбәр итә метеорологлар.