Бу атнада татарстанлыларны аномаль эссе һава көтә
Бу чорда учак ягу, коры үсемлекләр һәм чүп-чар яндыру, ут белән бәйле профилактик чаралар үткәрү катгый тыела.
Татарстанда аномаль эссе һава торышы аркасында шторм кисәтүе игълан ителде. 24-26 апрельдә республикада уртача тәүлеклек температура нормадан 9-12 градуска югарырак булыр дип көтелә. Һаваның максималь температурасы +27 градуска җитәргә мөмкин.
Россия гадәттән тыш хәлләр министрлыгының Татарстан Республикасы буенча Баш идарәсе төбәк халкын 14 апрельдән 11 майга кадәр Татарстанда янгынга каршы режим кертелүе турында кисәтә. Бу чорда учак ягу, коры үсемлекләр һәм чүп-чар яндыру, ут белән бәйле профилактик чаралар үткәрү катгый тыела.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев