Болгарда татар телле лагерь ачылды

Болгарда яшьләрне һәм яшүсмерләрне татар теленә җәлеп итү максатыннан «Болгар — Туган тел» төбәкара форумы ачылды. Бу хакта Татарстан Яшьләр министрлыгының матбугат хезмәте хәбәр итә.

Форумга Россия Федерациясенең 11 субъектыннан 400дән артык укучы җыелды.

Форум җиде көнлек лагерьдән гыйбәрәт, анда балалар татар мәдәниятен һәм телен өйрәнә, төрле тормыш ситуацияләрендә татар телендә сөйләшү күнекмәләрен үзләштерә.

Лагерь 18 июньгә кадәр эшләячәк.