Бер тәүлек эчендә Түбән Камада 12 юл-транспорт һәлакәте булган

Шимбә, 4 гыйнварда, Түбән Камада начар һава шартлары аркасында 12 юл-транспорт һәлакәте булган.

Дәүләт автоинспекциясе хезмәткәрләре юл хәрәкәтендә катнашучыларга юлларда игътибарлырак булырга һәм юл хәрәкәте кагыйдәләрен үтәргә чакыра.

Машина йөртүчеләргә тизлек режимын сайлаганда юл торышын һәм метеорологик шартларны исәпкә алырга киңәш итәләр. Тәүлекнең караңгы вакытында җәяүлеләргә өске киемнәрендә яктылыкны кайтара торган элементлар урнаштырырга киңәш ителә.