Бер ел эчендә Татарстанда 5 мең гектардан артык мәйданда урман утырттылар

2025 елда республика территориясендә 5,3 мең гектардан артык яңа урман утыртылды.

Елның төп нәтиҗәләре:

• «Экология» илкүләм проектының төп күрсәткече шактый арттырып үтәлде — торгызылган урман мәйданы киселгән һәм һәлак булган агачлар мәйданыннан артып китте.
• Туфракны эрозиядән саклау өчен 900 гектардан артык урман полосалары булдырылды.
• Углерод эзен компенсацияләү сыйфатында 1,1 мең гектарда яңа урманнар салынды.
• 2,5 мең гектарга якын яшь утыртмалар рәсми рәвештә урман фонды җирләре статусын алды.

Татарстанда урманнарның гомуми мәйданы 1,6 млн гектардан артып китә, ә территориянең урманлылык дәрәҗәсе 22,5% ка җитә. Урман хуҗалыгын үстерү буенча төбәк программасы кысаларында эш дәвам иттереләчәк.