Белгеч балалар өчен телефон карау вакытын чикләү турында сөйләде

Хәзер күп балалар гаджетларны кечкенәдән куллана башлый. Ләкин моның белән артык файдалану стресска һәм когнитив сәләтләрнең кимүенә китерергә мөмкин. Бу хакта нейропсихолог Людмила Максименко сөйләде.

Аның сүзләренчә, кешенең баш мие билгеле бер күләмдә мәгълүматны үзләштерә ала. Әгәр дә аны файдасыз контент белән тутырсаң, бу ниндидер кирәкле нәрсәне кабул итүнең кимүенә китерергә мөмкин.

«Мисал өчен, 4-5 яшьтә төрле видеороликлар карый башлаган балага бүгенге һәм киләчәктә дә файдалы мәгълүматны үзләштерергә вакыт һәм ресурслар җитми», — диде Максименко «Радио 1» белән әңгәмәдә.

Аның сүзләренчә, 7 яшькә кадәрге балаларга гаджет тотып көненә 15 минуттан артык вакыт үткәрергә ярамый. «Балага артык кирәкми», дип белдерде ул. Шулай ук ул ата-аналарга баланың нинди контент каравын контрольдә тотарга киңәш итте. Аерым алганда, барлык яшь чикләүләрен үтәргә кирәк, дип өстәде белгеч.