«Апуш» студиясе спектакле театр фестивалендә җиңү яулады

«Апуш» студиясенең «Апушның тылсымлы төшләре» спектакле «Театральное Приволжье» театр фестивалендә I урын алды.

«Апуш» студиясенең кураторы Гүзәл Сәгыйтова сүзләренчә, фестивальдә бик көчле спектакльләр булган. «Шуңа да бу җиңү бик кадерле», дигән ул. 

«Иң яхшы ир-ат роле» номинациясендә Апуш ролен башкарган Əмир Исрафилов лауреат булган. «Музыкаль бизәлеш» номинациясендә дә «Апуш» җиңеп чыккан. Спектакльне композитор Зөлфәт Вәлиуллин бизәгән.