Аномаль эсселек фонында Татарстанда яшенле яңгыр һәм боз явачак

Бүген, 5 июльдә, Татарстанда +37 градуска җиткән аномаль эсселек фонында һава шартларының бозылуы көтелә. ТР Гидрометеорология һәм әйләнә-тирә мохитне күзәтү идарәсе шул хакта кисәтә, дип яза «Татар-информ».

Җомга көннең икенче яртысында һәм кичен республиканың көнбатышында җилнең тизлеге урыны белән секундына 17-22 метрга кадәр җитәчәк. Кайбер урыннарда боз яварга мөмкин.

Бофорт шкаласы нигезендә, секундына 13,9-17,1 метр тизлектәге җил — көчле, 17,2-20,7 метр тизлектәгесе — бик көчле, 20,8-24,4 метр тизлектәгесе давыллы җил дип атала.