Айдар Метшин СВОда һәлак булган солдатларның әниләренә бүләкләр тапшырды

РФ Дәүләт Думасы депутаты Айдар Метшин махсус хәрби операция зонасында һәлак булган хәрбиләрнең аналарын 8 Март белән котлады.

Халыкара хатын-кызлар көнендә ул Эльвира Гыйззәтуллина һәм Нина Токачева белән очрашты. Дәүләт Думасы депутаты аларга чәчәк бәйләмнәре һәм җылы шәлләр тапшырды, хатын-кызларга нинди дә булса ярдәм кирәкме-юкмы икәнен сораштырды.

Моннан тыш, ТИҮС рәисләре Лариса Орлова һәм Наталья Суворова адресына да котлаулар яңгырады. Нәкъ менә алар көн саен СВО катнашучыларының туганнары белән элемтәдә торалар һәм ярдәм турындагы теләсә нинди үтенечкә җавап бирәләр.