Җәй көне Түбән Камада 2 нче трамвай кичке унбергә кадәр йөриячәк

Түбән Камада җәйге чорда 2 нче маршрут буенча кичен трамвайларның йөрүдән туктау вакыты үзгәрә.

«Горэлектротранспорт» матбугат хезмәте хәбәр иткәнчә, хәрәкәт шулай ук деподан иртәнге сәгать 4:30да һәм «Красный ключ» тукталышыннан иртәнге сәгать биштә башланачак.

Әмма 1 июньнән деподан соңгы рейс 21:57 сәгатьтә, ә «Красный ключ» тукталышыннан 22:30 сәгатьтә китәчәк. Трамвай хәрәкәтенең тәмамлануы һәм паркка керү хәзер кичке сәгать унбердә булачак.

Башка маршрутлар буенча үзгәрешләр юк.