Адвокат дачада үстерү тыелган үсемлекләрне атады

Дача участогында наркотиклы һәм зарарлы үсемлекләр үстерү тыела. Бу хакта «Татар-информ» га адвокат Дмитрий Аграновский сөйләде.

РФ Хөкүмәтенең 934 нче карары нигезендә дача кишәрлекләрендә үсемлекләрнең түбәндәге төрләрен үстерү тыела:

• банистериопсис каапи;
• гармал;
• зәңгәр лотос;
• составында псилоцибин һәм (яки) псилоцин булган теләсә нинди төрдәге гөмбәләр;
• кабреран диплоптерисы;
• ибога;
• өч төсле ипомея;
• мескалинлы кактус һәм мескалинлы башка төр кактуслар;
• кокаин куагы;
• киндер;
• мәк;
• мимоза хостилис;
• митрагина;
• яшел психотрия;
• Гавай Розасы;
• калкансыман турбина;
• күрәзәчеләр шалфее;
• эфедра.

Мондый үсемлекләрне үстергән өчен административ җаваплылык каралган. Ләкин әгәр дә бу зур күләмдә бара икән, дача участогы милекчесенә җинаять җәзасы да яный ала.