500дән артык түбәнкамалы талпан кадалганнан соң хастаханәләргә мөрәҗәгать иткән

26 июньгә алынган мәгълүматлар буенча Татарстан хастаханәләренә талпан кадалганнан соң 7,1 мең кеше мөрәҗәгать иткән, шуларның 1,8 меңе — балалар.

Роспотребнадзор мәгълүматлары буенча, иң күп зыян күрүчеләр Казанда (2 403 кеше), Чаллыда (803 кеше), Түбән Кама районында (512 кеше) теркәлгән.

Моннан тыш, иксодлы талпан боррелиозының ике очрагы һәм талпан энцефалитының бер очрагы теркәлгән, ул Башкортстандагы урманда ял иткәндә булган.