-27 градуска кадәр: Татарстанга янәдән көчле салкыннар кайтачак
17 февральдә Татарстанда уңай температура урнашса да, икенче көнне үк салкын һава торышы кире кайтачак. Бу хакта республика Гидрометүзәгенең фаразыннан күренә.
Синоптиклар хәбәр итүенчә, сишәмбе, 18 февраль, төнлә температура -15…-20 градуска кадәр төшәчәк, аяз көннәрдә салкыннар -23 градуска кадәр көчәячәк.
Сишәмбе көндез һава температурасы -8…-13 градус булачак. Моннан тыш, 4-9 м/с тизлектәге салкын төньяк җил көтелә.
Чәршәмбе, 19 февраль, төнлә көчле салкыннар сакланачак. Аяз көннәрдә республиканың көнчыгыш районнарында урыны белән -27 градуска кадәр суытачак. Чәршәмбе көндез -6…-11 градус көтелә. Төньяк-көнчыгыш җил тәүлек дәвамында көньяк-көнчыгышка алышына, тизлеге — 5-10 м/с.
Следите за самым важным и интересным в Telegram-каналеТатмедиа
Нет комментариев