2026 елда Түбән Каманың 49нчы микрорайонында спорт мәйданчыгы булган сквер барлыкка киләчәк

Түбән Каманың 49нчы микрорайонында 2026 елда спорт мәйданчыгы булган зур булмаган сквер төзү планлаштырыла. Бу хакта туры эфир барышында шәһәр архитекторы Эмиль Сираҗетдинов сөйләде.

Сүз Тынычлык проспекты буенча 92 нче йорт каршындагы участок турында бара (сәүдә үзәге ягыннан).

«Спорт мәйданчыгы буенча аңлау бар инде, скверны төзекләндерү алай ук зур акча таләп итмәс, мин бу мәсьәләне хәл итәрбез дип уйлыйм», — дип ачыклык кертте архитектор.

Төзелеш муниципаль бюджеттан финансланачак, дип фаразлана.