2026 елда соңгы кыңгырау һәм чыгарылыш кичәләренең кайчан узачагы билгеле булды

2025/26 уку елында соңгы кыңгырауны 26 майда, ә чыгарылыш кичәләрен 27 июньдә уздыру планлаштырыла.

Мәктәп тантаналарын уздыруга тәкъдимнәрне Россия Мәгариф министрлыгыннан юлладылар.

Чаралар программасына ведомство Дәүләт флагы күтәрү һәм Россия гимнын башкару тантаналарын, күп балалы һәм күп буынлы гаиләләрне хөрмәтләүне, шулай ук ата-аналарның, шул исәптән дәүләт бүләкләре белән бүләкләнгәннәрнең һәм махсус хәрби операциядә катнашучыларның чыгышларын кертергә тәкъдим итә.

Шулай ук регионнарга тантаналарда куркынычсызлык таләпләрен төгәл үтәүне тәэмин итү һәм мөмкинлекләре чикләнгән укучылар өчен уңайлы мохит булдыру йөкләнде.