2025 елда Түбән Камада беренче булып кыз бала туган

Түбән Кама перинаталь үзәгендә 2025 елда беренче булып кыз бала туган. Бу хакта перинаталь үзәкле балалар хастаханәсенең матбугат хезмәте хәбәр итә.

Бала икенче гыйнварда 3 сәгать 10 минутта дөньяга килә. Сабыйның авырлыгы — 3 220 г, буе — 49 см.

«Бу Нуруллиннар гаиләсендә беренче бала. Яшь әти-әниләрне котлыйбыз, сабыйга ныклы сәламәтлек һәм бәхет телибез!», — дип билгеләп үтелә Түбән Каманың перинаталь үзәкле балалар район хастаханәсе хәбәрендә.

Фото: перинаталь үзәкле балалар район хастаханәсе телеграм-каналы