2025 елда Татарстанда яңа туган балаларның иң популяр исемнәре аталды

2025 ел нәтиҗәләре буенча Татарстанда яңа туган балаларның иң популяр исемнәре — Әминә һәм Әмир.

Мәгълүматлар «ЗАГС реестры» мәгълүмати-аналитик порталында бастырылган. Шунысын да билгеләп үтәргә кирәк, 2024 ел нәтиҗәләре буенча лидерлар шул ук исемнәр иде.

Узган ел топ-5 популяр хатын-кыз исемнәренә шулай ук Айлин, София, Эмилия, Ясмина кергән. Популяр малайлар исемлегенә Тимур, Марк, Мирон, Матвей эләккән. 

2026 ел башыннан Алия һәм Эмиль зур булмаган аерма белән алга чыктылар.