19 июльдә Роспотребнадзор Түбән Кама бизнесменнарына консультация бирәчәк

19 июльдә Роспотребнадзорның ТР буенча идарәсенең Түбән Кама территориаль бүлегендә эшкуарлар өчен Ачык ишекләр көне узачак.

Бу хакта 18 июльдә Түбән Кама муниципаль районы хакимиятенең матбугат хезмәте хәбәр итте.

Очрашу 14-16 сәгатьләрдә Ахтубинская урамы, 18 адресы буенча 5 нче кабинетта узачак. Шулай ук 8 (8555) 42-51-27 телефоны буенча алдан язылу кирәк.

Кабул итүнең максаты — Роспотребнадзор компетенциясе чикләрендә бизнесменнарга бушлай консультация ярдәме күрсәтү.