Түбәнкамалыларга аттракцион паркындагы үзгәрешләрне күрсәттеләр

Түбән Кама аттракционнар паркында хәзер ремонт һәм территорияне төзекләндерү эшләре бара. Яңа аттракционнар урнаштырыла, искеләре күчерелә һәм сүтелә.

Мәсәлән, шәһәр администрациясе тарафыннан бастырылган видеодан, автодромның күзәтү тәгәрмәче янына күчерелүен, ә паркның үзәк өлешендә булган карусельның сүтелүен күрергә була. Аны капиталь ремонт көтә.

Паркның социаль челтәрләрдәге битендә башка яңалыклар турында да белергә була: биредә Сабантуй ишегалды, «Алтын прииск», «Приз от», «Кама буйлап сәяхәт» су аттракционы, паровозик аттракционы барлыкка киләчәк.

Шулай ук паркның яңа хуҗалары социаль челтәрләрдә аның «Юность» паркы дип үзгәртелүе турында сөйләделәр.