Сухрау авылы янындагы юл-транспорт һәлакәте үлем белән тәмамланган

Шаһитлар әйтүенчә, гаеп – «унбишле» йөртүчесендә: ул, юл кагыйдәсен бозып, каршы як юлга чыккан һәм... фаҗига урынында һәлак булган. Пассажир урынында утырган 65 яшьлек әнисенең башы җәрәхәтләнгән. «Опель» йөртүчесен, машинасындагы куркынычсызлык мендәрләре саклап калган.
Шулай ук, Түбән Камада Вахитов һәм Чәбия урамы киселешендә «НЕФАЗ» һәм кирпечләр төягән «МАЗ» машиналары бәрелешкән. Йөк машинасы автобуска юл бирергә тиеш булса да, кагыйдәне боза. Нәтиҗәдә, «НЕФАЗ» йөртүчесе һәм салондагы дүрт хатын җәрәхәтләнә. Соңрак хастаханәгә тагын ике хатын мөрәҗәгать иткән.