Ял һәм спортны бәйләп...

Бу чара инде быел унҗиденче тапкыр үткәрелде. Мөселманнар гаиләләре белән җыелып күңел ачты, теләүчеләр төрле спорт ярышларында катнашты, аеруча кыюлары тюбингларда шуды. Кемдер кышкы урман белән хозурланды. Ә төшке ашка барысы да казанда пешкән тәмле пылау белән сыйланды.

Уеннарда тирләп-пешеп көч сынашканнан соң җылы бүлмәләргә кереп ял итү мөмкинлеге тудырылган иде. Чараны оештыручы Кәрим хәзрәт Хәсәнов таралышканда Түбән Кама яшьләренә һәм килгән барлык кешеләргә рәхмәтен белдерде.